Кэмбрыдж шукае «доктара шакаладных навук»
3- 18.08.2014, 17:22
- 5,172
У Кембрыджскім універсітэце адкрылі вакансію «доктара шакаладных навук» - распрацоўніка формулы тэрмаўстойлівага шакаладу.
Адпаведная аб'ява была размешчаная на сайце ВНУ, паведамляе Lenta.ru.
Для спецыяліста падрыхтавалі месца ў дэпартаменце хімічнай інжынерыі і біятэхналогіі. Галоўным абавязкам навукоўца стане вывучэнне ўплыву цёплага клімату на спажывецкія ўласцівасці шакаладу з тым, каб паменшыць уздзеянне тэмпературных фактараў на захаванасць формы прысмаку.
Сярод патрабаванняў да прэтэндэнтаў кіраўніцтва вышэйшай навучальнай установы ўказала наяўнасць ступені бакалаўра, досвед даследчай работы і любоў да шакаладу.
Будучаму «доктару шакаладных навук» наважылі даручыць не толькі даследчую працу, але і чытанне лекцый студэнтам.
Па заканчэнні працы над праектам навуковец атрымае ступень PhD (доктар навук).