Мядзведзеў разлічвае на вяртанне хамона і ласося

Прэм'ер-міністр РФ спадзяецца, што забарона на імпарт прадуктаў харчавання з Захаду не будзе доўгай.

Пра гэта паведамляе РІА «Навіны».

«Яшчэ раз хацеў бы сказаць, што гэтыя меры натуральна змушаныя і ў адказ. Спадзяюся, што яны не будуць доўжыцца вельмі доўга», - сказаў Дзмітрый Мядзведзеў.

Ён таксама падкрэсліў, што забарона на імпарт не павінна прывесці да росту коштаў і дэфіцыту на ўнутраным рынку. «Натуральна, што гэты дакумент не павінен ушчамляць інтарэсы расейскіх спажыўцоў, адбівацца істотным чынам на стане спраў на рынку харчовых прадуктаў і ўжо тым больш не павінен прыводзіць да дэфіцыту і росту коштаў», - сказаў Мядзведзеў на нарадзе з віцэ-прэм'ерамі.

На думку прэм'ер-міністра краіны, эмбарга мае і станоўчы бок, так як павысіць канкурэнцыю пастаўшчыкоў на расейскім рынку.