Інтэрпол абвясціў у вышук былога міністра энэргетыкі Украіны

Інтэрпол абвясціў у вышук былога міністра энэргетыкі Украіны Эдуарда Ставіцкага, адпаведная інфармацыя апублікаваная на сайце арганізацыі.

Як адзначаецца ў картцы Ставіцкага на сайце Інтэрпола, яго шукае Украіна паводле абвінавачвання ў прысваенні, растраце маёмасці або завалоданні ім шляхам злоўжывання службовым становішчам у асабліва буйных памерах.

Генпракуратура Украіны абвясціла Ставіцкага ў вышук у канцы сакавіка гэтага года. Супраць экс-міністра распачатая крымінальная справа.

Ставіцкі адшукваецца ў межах крымінальнай справы, якая раней была распачатая супраць уладальніка кампаніі ВЕТЭК Сяргея Курчанкі. Курчанка абвешчаны ў міжнародны вышук, ён падазраецца ў прысваенні маёмасці дзяржпрадпрыемства «Укргаздабыча». Паведамлялася, што Ставіцкі выехаў у Італію.