Беларускія актывісты ўшануюць памяць ахвяр Катыні
7- 21.08.2014, 14:12
- 6,032
Паездка ў Катынь адбудзецца 23 жніўня з нагоды Міжнароднага дня памяці ахвяраў сталінізму і нацызму.
Праваабарончая арганізацыя «Мемарыял», рух «Разам», ініцыятыва «За ўратаванне Курапатаў" пры ўдзеле грамадскіх арганізацый і палітычных партый ушануюць ахвяр Катыні на месцы трагедыі.
Паездка ў Катынь адбудзецца 23 жніўня з нагоды Міжнароднага дня памяці ахвяраў сталінізму і нацызму. Днём памяці гэты дзень абвясціў Еўрапарламент у 2009 годзе. Палітыкі і грамадскія актывісты ўскладуць кветкі да мемарыяла ахвярам трагедыі 1941 года, а таксама на месцы гібелі ўрадавай дэлегацыі Польшчы ў 2010 годзе, піша «Радыё Свабода».
Таксама з нагоды Міжнароднага дня памяці ахвяраў сталінізму напярэдадні ў Менску пройдзе брыфінг. Удзельнікі брыфінгу ўскладуць кветкі ў Трасцянцы - месцы масавай загубы ахвяраў сталінізму і нацызму, а таксама ў Курапатах - месцы масавых сталінскіх расстрэлаў.