У выходныя сіноптыкі абяцаюць дажджы з навальніцамі
- 22.08.2014, 10:17
- 5,520
У суботу і нядзелю ва ўсёй краіне метэаролагі прагназуюць цёплае надвор'е з дажджамі.
Пра гэта паведамляе сайт pogoda.by.
23 жніўня над Беларуссю будзе вобласць падвышанага атмасфернага ціску. Удзень на паўночным захадзе краіны надвор'е пачне фармаваць атмасферны фронт. Сіноптыкі паведамляюць пра кароткачасовыя дажджы з навальніцамі. Уночы у некаторых раёнах магчымы туман. Мінімальная тэмпература ўночы апусціцца да 6°С цяпла. Днём яна падымецца да плюс 26°С.
24 жніўня на Беларусь прыйдзе атмасферны фронт. Уночы на заходняй палове, удзень на большай частцы кароткачасовыя дажджы з навальніцамі. Удзень у асобных раёнах на поўдні моцныя дажджы. Тэмпература паветра ўначы плюс 7-13°С, удзень плюс 19-25°С.