У расейскіх турыстаў канфіскавалі 70 кг французскага паштэту

Супрацоўнікі расейскай мытні канфіскавалі паштэт з мяса качкі, фазана і дзіка на памежным КПП у 200 км ад Санкт-Пецярбурга.

Як паведамляе "Радыё Свабода" са спасылкай на агенцтва Франс-прэс, паштэт адправілі назад у Фінляндыю.

Нагадаем, 7 жніўня Расея забараніла пастаўкі ялавічыны, свініны, птушкі, сыроў, садавіны і малака з краін Еўразвязу, ЗША, Аўстраліі, Канады і Нарвэгіі. Гэта стала адказам на эканамічныя санкцыі супраць Расеі праз падзеі ва Украіне. Эмбарга было ўведзенае ўказам прэзідэнта Уладзіміра Пуціна.

Дарэчы, расейскія ўлады абяцалі, што забарона на ўвоз імпартных прадуктаў не закране фізічных асоб.

Фота: Reuters