Украінскі сцяг на маскоўскі гмах падняў кіеўскі экстрэмал (Фота)
30- 22.08.2014, 20:19
- 34,040
Руфер Mustang Wanted гатовы здацца ўладам РФ у абмен на вызваленне лётчыцы Надзеі Саўчанкі.
Экстрэмал Рыгор з мянушкай Mustang Wanted сцвярджае, што ён забраўся на дах хмарачоса на Кацельнічаскай набярэжнай у Маскве і перафарбаваў зорку, што яго ўпрыгожвае ў колеры ўкраінскага сцяга, а затым падняў сцяг Украіны.
Пра гэта ён напісаў у «Фэйсбуку».
«Дарагія суайчыннікі, паважаныя расейцы, а таксама доблесныя ахоўнікі правапарадку горада Масквы. Я, Рыгор (ён жа Mustang Wanted), грамадзянін Украіны, змушаны не дзеля прыгожага слоўца зрабіць прызнанне, накіраванае на вызваленне абвінавачаных у хуліганстве невінаватых расейскіх грамадзян, якія маюць усе шанцы стаць ахвярамі шырока вядомага сваёй справядлівасцю расейскага правасуддзя.
Я і ёсць той самы чалавек, які ў парыве шчырых патрыятычных пачуццяў забраўся на дах хмарачоса на Кацельнічаскай набярэжнай, і перафарбаваў зорку, што ўпрыгожвае яго ў колеры нашага роднага ўкраінскага сцяга, а затым падняў сцяг незалежнай Украіны, пра што ў мяне маюцца фота і відэа доказы. Гэты працэс быў даволі працаёмкім і заняў у мяне практычна ўсю ноч, скончыў я сваю працу каля 6 раніцы і з радасцю адправіўся спаць. Грамадзяне Расеі, супраць якіх цяпер распачалі крымінальную справу і якім свеціць 7 гадоў, мною не былі заўважаныя ў гэты час на даху будынка, і варта адзначыць, што мы з імі нават не знаёмыя. Ну як вядома Расейскі суд - самы справядлівы суд у свеце!
Прызнаю сябе вінаватым у «хуліганстве» і гатовы паўстаць перад гэтым самым судом у абмен на вызваленне выдатнай смелай украінскай дзяўчыны - Надзеі Саўчанкі.
Яна дакладна ні ў чым не вінаватая, а я хоць бы зорку пафарбаваў
Свой учынак уважаю арт-перформансам і прысвячаю яго Дню Незалежнасці Украіны, а таксама ўсім хлопцам, якія абараняюць зараз маю Радзіму!
Слава Україні!» - напісаў ён.
Нагадаем, паводле факту перафарбоўкі зоркі была распачатая крымінальная справа і арыштаваныя маладыя людзі, якія праходзілі недалёка ад высоткі з альпінісцкім рыштункам. Гэта Аляксей Шылакажухаў, Яўгенія Караткова, Ганна Ляпёшкіна і Аляксандр Паграбоў.