Кітайскіх вайскоўцаў будуць вучыць у Беларусі

Дэлегацыя КНР знаходзілася 22-25 жніўня з рабочым візітам у Беларусі.

Яе ўзначаліў намеснік начальніка галоўнага ўпраўлення баявой падрыхтоўкі Генеральнага штаба Народна-вызваленчай арміі КНР генерал-маёр Фан Бэйцюнь. Галоўнай мэтай візіту было падпісанне кантракту для навучання кітайскіх вайскоўцаў у дзяржаўнай установе адукацыі «Інстытут памежнай службы Рэспублікі Беларусь», піша БелаПАН.

У рамках візіту дэлегацыя КНР сустрэлася са старшынёй Дзяржаўнага памежнага камітэту Беларусі генерал-палкоўнікам Леанідам Мальцавым. Абмяркоўваліся пытанні далейшага супрацоўніцтва дзвюх краін у памежнай сферы.