На барысаўскім стадыёне заўзятара затрымалі за шалік з «Пагоняй»
16- 27.08.2014, 14:00
- 24,923
Футбольныя фанаты даведаліся прозвішча адказнага за інцыдэнт маёра, а цяпер усталёўваюць асобу сцюарда.
Падчас матчу ў адказ плэй-оф кваліфікацыі Лігі чэмпіёнаў барысаўскага БАТЭ з Браціслаўскім «Слованам» на стадыёне быў затрыманы заўзятар Сяргей Бахун. Сцюарду на поле падаўся падазроным ягоны шалік з гербам «Пагоня». Рэшту матчу заўзятар правёў у апорным пункце міліцыі. Прычыну затрымання пацярпеламу ніхто растлумачыць не спрабаваў.
Беларускія заўзятары звярнуліся ў рэдакцыю сайта charter97.org з просьбай распаўсюдзіць фота вінаватага ў інцыдэнце сцюарда падчас учорашняй гульні.
«Здаў заўзятара міліцыі вось гэты "герой", цяпер засталося яго апазнаць, каб пацярпелы заўзятар змог напісаць афіцыйную скаргу, - пішуць футбольныя фанаты. -Памятайце, толькі разам мы можам змагацца за свае правы і бараніць свае інтарэсы! Просьба распаўсюдзіць гэтую інфармацыю на вашых старонках у сацыяльных сетках! Калі вы пазналі гэтага блазна, просьба пісаць нам на электронны скрыню belultras@gmai.com».