На Камчатцы выгадавалі жоўты кавун

Садоўнікі з Пенжынскага раёна Камчацкага краю, размешчанага ў раёне вечнай мерзлаты, выгадавалі жоўты кавун.

Плод быў прадстаўлены на традыцыйнай выставе ўраджаю, якая праходзіць штогод. Адзначаецца, што ўся прадукцыя, паказаная на кірмашы, была вырашчана на падсобных гаспадарках раёна, піша Lenta.ru.

Экспертнае журы выбрала сярод удзельнікаў кірмашу пераможцаў у 10 намінацыях. Акрамя кавуноў, мясцовыя садоўнікі прадставілі на выставе таматы, агуркі, балгарскія перцы і іншую гародніну і садавіну, якія не характэрныя для мясцовага клімату.

Пенжынскі раён з'яўляецца самым паўночным ў Камчацкім краі і мяжуе з Магаданскай вобласцю і Чукоцкай аўтаномнай акругай. Ён уваходзіць у зону вечнай мерзлаты, сярэднегадавая тэмпература паветра складае блізу мінус сямі градусаў Цэльсія. Першыя замаразкі назіраюцца ў другой палове жніўня. Афіцыйна зафіксаваны тэмпературны мінімум у раёне складае мінус 64 градуса.