Украінскія вайскоўцы ўмацоўваюць абарону Марыупаля
1- 29.08.2014, 9:28
- 9,236
Доўжацца баі ў раёнах Луганска, Ілавайска, Лутугіна, Станіцы Луганскай.
Пра гэта паведаміў на сваёй старонцы ў сацыяльнай сетцы «Фэйсбук» кіраўнік украінскага Цэнтра вайскова-палітычных даследаванняў Дзмітрый Тымчук, спасылаючыся на аператыўныя звесткі групы «Інфармацыйны Супраціў".
Паводле ягоных слоў, ва ўсіх сектарах украінскія войскі ладзяць актыўныя мерапрыемствы для ўзмацнення аховы і абароны базавых лагераў, апорных пунктаў і інжынернага абсталявання блок-пастоў. У раёне Марыупаля сілы АТА праводзяць інжынерна-сапёрнае абсталяванне мясцовасці і мінаванне танканебяспечных кірункаў.
Доўжацца абстрэлы пазіцый сіл АТА. У прыватнасці:
- З мінамётаў двойчы абстраляныя пазіцыі блізу н.п. Красная Паляна, блок-пасты ў раёне н.п. Георгіеўка, Станіца Луганская, цягам амаль чатырох гадзін пдоўжацца мінамётныя абстрэлы блок-пастоў блізу н.п. Лутугіна і Герасімаўка.
- Тэрарыстамі ўчыненая спроба наступу на апорны пункт сіл АТА ў раёне н.п. Дэбальцэва. Атака адбітая.
- З БМ-21 «Град» абстраляныя пазіцыі сіл АТА блізу н.п. Маланікалаеўка.
- У раёне аэрапорта ў Луганску абстраляная калона сіл АТА. Паводле папярэдніх звестак, ёсць параненыя, выведзена з ладу 4 адзінкі тэхнікі.