Гурт Re1ikt стаў пераможцам фестывалю «Амбасовiшча»
1- 29.08.2014, 16:00
- 4,034
Фестываль беларускай музыкі «Амбасовiшча-2014» прайшоў у пасольстве ЗША ў Менску.
У конкурснай праграме ўзялі ўдзел восем музычных калектываў розных стыляў: Navi, «Гадзіна Speak», 2Morrow2Late, Re1ikt, StepHall, Terrakod, Landau і Nge, паведамляе «Радыё Свабода».
Пераможцу выбралі госці фестывалю і наведвальнікі старонкі амбасады ў сацыяльнай сетцы «Фэйсбук». Прыхільнікі беларускай музыкі аддалі перавагу гурту Re1ikt. Другое месца заняла каманда StepHall, на трэцім - 2Morrow2Late.
Пазаконкурснай удзельніцай фестывалю стала Аіша Фукушыма, спявачка, прамоўца, педагог і самаабвешчаны RAPtivist (рэп-актывіст).
Фестываль «Амбасовiшча» за дзесяць гадоў стаў добрай традыцыяй. Яго гісторыю арганізатары прадэманстравалі на фотавыставе. Там можна было ўбачыць фота ўсіх пераможцаў, многіх канкурсантаў і некаторых самых запамінальных гасцей.
