Заўзятары «Зеніта» спынілі матч чэмпіянату Расеі

Фанаты піцерскага «Зеніта» прымусілі суддзю сваімі паводзінамі перапыніць гульню з тульскім «Арсеналам».

У самым пачатку матчу ў Туле каля гасцявога фанацкага віражу выбудаваўся ланцужок АМАПаўцаў, якія выставілі перад сабой доўгія металічныя загароджы, відаць, падрыхтаваўшыся на выпадак новага прарыву піцерцаў на поле. Праўда, убачыўшы цалкам мірны настрой фанатаў «Зеніта», АМАП адступіў у бок і пакінуў толькі агароджы, піша sport.bigmir.net.

Пасля першага гола фанаты «Зеніта» пачалі ўзбірацца на высокія агароджы сваёй трыбуны. Тульскія арганізатары матчу моцна захваляваліся, і дыктар тут жа абвясціў: «Фанаты Зеніта, просім вас злезці з металічных агароджаў, інакш матч можа быць спынены». Але фанаты не прыслухаліся і прадоўжылі залазіць наверх. Пасля гала Рондана яны з радасці занялі месцы на агароджах праз усю даўжыню трыбуны - тут захваляваўся нават суддзя, які забраў мяч і адправіў каманды за поле.

У прынцыпе, фанаты ўсіх буйных каманд часцяком узбіраюцца на агароджы падчас выязных матчаў - але Тула сто гадоў не бачыла такіх гульняў і відавочна не хацела азмрочыць гэтую падзею праблемамі з «Зенітам», таму наважыла перастрахавацца.

«Зеніт» спрабаваў дамовіцца з фанатамі на адлегласці - Юрый Ладыгін выбег у цэнтр поля і жэстамі папрасіў заўзятараў спусціцца. Тыя далей эмацыйна махалі рукамі і нешта крычалі, а прыслухаліся толькі ў апошні момант, калі інспектар і дэлегат ужо адкрыта прыстрашылі спыненнем матчу, а да віражу прыбегла палова каманды, у тым ліку нават Халк з Вітцэлем. Эсэкиэль Гарай у нейкі момант схапіўся за галаву, спрабуючы зразумець, што ўсё гэта наогул значыць. Тульскія заўзятары ўвесь гэты час не сунімаліся і з пачуццём выкрыквалі ў адрас гасцявой трыбуны звонкае «Бамжы».