Тэракт у Харкаве: вайсковы завод абстраляны з агнямёту

У Харкаве на тэрыторыі бранятанкавага завода, які займаецца рамонтам тэхнікі для Узброеных Сіл Украіны і ратавальнікаў, адбыўся выбух.

Пра гэта паведамляе УНІАН са спасылкай на інфармаваную крыніцу.

Інцыдэнт адбыўся 3 жніўня, каля гадзіны ночы. У інтэрнаце, размешчаным на тэрыторыі прадпрыемства, на падаконніку 2 паверха выбухнуў невядомы прадмет. У выніку выбуху выбітыя вокны на паверсе. Паводле папярэдняй інфармацыі, ніхто не пацярпеў. Цяпер на месцы інцыдэнту працуе следча-аператыўная група і экспэрты. Крыніца не выключыла, што будынак быў абстраляны звонку.

Разам з тым, мясцовае выданне Медыяпорт піша, што Харкаўскі бранетанкавы завод атакавалі з расейскага агнямёту. Аб выбуху ў раёне бранятанкавага завода ў міліцыю паведамілі сёння а 1.00, распавяла пракурор Харкаўскай пракуратуры ў наглядзе за выкананнем законаў у вайсковай сферы Вольга Чакірда.

«Высветлена, што блізу 1.00 неўсталяванай асобай з праезнай часткі вуліцы Катлова ў горадзе Харкаве зрабілі стрэл са зброі малагабарытнага рэактыўнага агнямёту МРОА вытворчасці 2008 Расейскай Федэрацыі па другім паверсе адміністрацыйнага будынка ГП «Харкаўскі бронетанкавы завод», - паведаміла пракурор.

Інфармацыя аб здарэнні перададзеная ў кіраванне СБУ ў Харкаўскай вобласці. Паводле інфармацыі пракуратуры ў наглядзе за выкананнем законаў у вайсковай сферы, крымінальная вытворчасць будзе распачатая паводле артыкула 258 Крымінальнага кодэкса Украіны - тэракт.