Аншлаг на менскіх пляжах
6- 3.08.2014, 20:47
- 38,188
Менчукі ў анамальную спякоту паспяшаліся на пляжы горада.
Сіноптыкі прагназавалі на выходныя анамальную спякоту ў Менску. Тэмпература паветра даходзіла да 35 градусаў цяпла. Менчукі паспяшаліся на пляжы горада, піша minsknews.by.
Каб трапіць на пляж №2 вадасховішча Дразды, аўтамабіль трэба прыпаркаваць за пару сотняў метраў да зоны адпачынку.
У прылеглым лясным масіве добраўпарадкаваная зона адпачынку для тых, хто аддае перавагу не сонцапёку, а альтанцы з мангалам або проста ціхаму мястэчку ля невялікага вадаспаду-каскаду з качкамі ў возеры. Тут жа абсталяваная сцежка здароўя. Выязны гандаль арганізаваны на ўсіх пляжах, працуюць і стацыянарныя кавярні.