Хуліганы, якія разбілі 30 аўтамабіляў ў Маладзечне, затрыманыя
22- 31.08.2014, 16:39
- 38,707
У ноч з 25 на 26 жніўня група хуліганаў пашкодзіла больш за 30 аўто ў розных раёнах Маладзечна.
Адчуваючы поўную беспакаранасць, вандалы ішлі па горадзе і білі шкло, фары, скакалі на капотах і дахах аўтамабіляў, пакідаючы ўвагнутасці. Учора раніцай правапарушальнікі былі затрыманыя і прызналі сваю віну. Пра гэта сайту charter97.org паведамілі ў аддзяленні інфармацыі і грамадскіх сувязяў УУС Менаблвыканкама.
«У пятніцу ўвечары аператыўнікі Маладзечанскага ОУР атрымалі аператыўную інфармацыю аб магчымым дачыненні да ўчыненя злачынства двух жыхароў Маладзечанскага раёна 1993 і 1995 года нараджэння, якія часова пражывалі ў Маладзечне, дзе працавалі аздабляльнікамі ў будаўнічых фірмах. Раніцай хлопцы былі затрыманыя. Як высветлілася, напярэдадні ў аднаго з прыяцеляў быў дзень нараджэння, падчас працяглага ўжывання спіртных напояў у сяброў узнікла ідэя пакуражыцца. На працягу дзвюх гадзін яны гулялі па начных вуліцах, білі шкло і фары першых трапіўшых аўтамабіляў, скакалі па капотах і дахах. Са слоў хуліганаў, пра наступствы яны не задумваліся, - гаворыцца ў паведамленні.
Сума прычыненай шкоды пакуль удакладняецца, аднак відавочна, што яна перавысіць 100 мільёнаў рублёў.