ЗША адпраўляюць Украіне вайсковую дапамогу
49- 31.08.2014, 19:56
- 36,626
Міністэрства абароны ЗША бліжэйшым часам адправіць чарговы груз з вайсковым абсталяваннем для ўкраінскага войска.
Пра гэта паведамляе радыёстанцыя «Голас Амерыкі».
Апошнія пастаўкі ўключаюць шаломы, робатаў для абясшкоджвання боепрыпасаў, радыёпрыёмнікі, бронекамізэлькі, індывідуальныя аптэчкі, спальныя дыванкі і курткі. Бліжэйшыя тыдні будуць накіраваныя прыборы начнога бачання, цеплавізары і дадатковыя радыёстанцыі.
Акрамя таго, неўзабаве дапамогу атрымае і Дзяржаўная памежная служба Украіны: вопратку, намёты, генератары малой магутнасці, ручныя паліўныя помпы, інжынернае абсталяванне, сродкі сувязі, транспартныя сродкі, індывідуальны несмяротны тактычны рыштунак і сродкі назірання.
У будучыні ЗША паставяць дадатковую тэхніку і абсталяванне відэаназірання, грузавікі і малыя патрульныя судны.
Міністэрства абароны ЗША і Дзяржаўны Дэпартамент выкарыстоўваюць 19 мільёнаў даляраў з Глабальнага Рэзервовага фонду бяспекі для падрыхтоўкі і забеспячэння Нацыянальнай Гвардыі Украіны.