Андрэй Парубій сышоў у адстаўку
6- 4.08.2014, 17:45
- 41,002
Сакратар Рады нацыянальнай бяспекі і абароны Андрэй Парубій падаў у адстаўку.
Пра гэта паведамляе выданне Insider са спасылкай на крыніцу.
"Заява напісаная яшчэ 25 ліпеня. Прычынай сталі разыходжанні ў пазіцыях прэзідэнта і сакратара РНБА, у прыватнасці, што да інфармацыйнай палітыкі", - адзначыў ён.
Паводле ягоных слоў, Пётр Парашэнка яшчэ не падпісаў заяву, таму што не вызначыўся, хто стане пераемнікам.
Адным з кандыдатаў называюць цяперашняга кіраўніка СБУ Валянціна Налівайчанку, але той не згаджаецца пакідаць займаную пасаду. "А прызначэнне без згоды можа выклікаць канфлікт з Клічко", - сказаў суразмоўца выдання.
Яшчэ адным кандыдатам з'яўляецца Юрый Стэць.
Нагадаем, Андрэй Парубій быў прызначаны сакратаром РНБА ў лютым 2014 года.