Саўмін уводзіць рэжым «жорсткай эканоміі»

Прэм'ер-міністр Беларусі Міхаіл Мясніковіч абвясціў аб увядзенні рэжыму жорсткай эканоміі бюджэтных сродкаў.

Пра гэта ён заявіў на пасяджэнні Савета міністраў.

«Рэжым жорсткай эканоміі павінен быць рэалізаваны паўсюдна. Толькі тыя, хто стварае новыя вытворчасці, фармуе ўмовы для росту колькасці падаткаплацельшчыкаў, могуць разлічваць на дадатковыя прыбыткі», - сказаў Міхаіл Мясніковіч.

Пры гэтым ён запэўніў, што пры ўразанні выдаткаў агулам, сродкі на заробак, камунальныя плацяжы, медыкаменты, абсталяванне для ўводных аб'ектаў бюджэтнай сферы будуць вылучаныя ў поўным аб'ёме. Мясніковіч таксама прадубляваў патрабаванне Лукашэнкі аб неабходнасці абмяжоўваць рост заробкаў ростам прадукцыйнасці працы.

«Ніхто не мае права налічыць ні аднаго лішняга рубля, калі тэмп росту фонду аплаты працы вышэйшы за тэмпы росту яго прадукцыйнасці, - падкрэсліў прэм'ер, - Вядома, нікуды не варта, калі ў «ляжачых» прадпрыемствах кіраўнік або група кіраўнікоў атрымліваюць заробак у 10 і больш разоў вышэйшы, чым сярэдні па калектыву. Гэта бязладдзе, і такога быць не павінна».