Sciana і Паліна Рэспубліка выступяць на фестывалі ва Украіне
- 7.08.2014, 9:05
- 4,069
Чацвёрты міжнародны сацыя-культурны фэст «Рэспубліка» пройдзе з 5 да 7 верасня ў горадзе Камянец-Падольскі.
За тры дні на фестывалі выступяць амаль 40 украінскіх і замежных музычных калектываў, у прыватнасці падтрымаць фестываль пагадзіліся Behind the Masquerade з Нямеччыны і Nadija з Польшчы, піша «Корреспондент».
У мастацкай частцы фестывалю мастакі (райтэры) будуць працаваць над роспісам фасадаў дамоў ва ўсім горадзе. Аргкамітэт фестывалю плануе прыцягнуць да мастацкага афармлення не толькі райтэраў і валанцёраў, але і жыхароў дамоў і звычайных мінакоў.
На фестываль рыхтуюць свае эскізы мастакі-муралісты Стралкоў і арт-гурт Другі Фронт (Кіеў), Добрыя Людзі (Данецк), М97 (Адэса), Калькоў (Луцк).
У рамках фестывалю пройдуць майстар класы ў вырабе трафарэтаў для пратэстнага графіці, якія затым усе ўдзельнікі і намалююць. Таксама адбудзецца эка-акцыя ўборкі каньёна ракі Смотрыч ды іншых частак горада.
Музыка фестывалю Рэспубліка
- Скрабін
- Паліна Рэспубліка (Беларусь)
- Sciana (Беларусь)
- Цень Сонца
- Слот
- Ролікс
- Dakh Daughters
- Jinjer
- Morphine Suffering
- Infected Rain
- Vivienne Mort
- Адзін у каноэ
- Skinhate