Сотні фабрык КНР спынілі працу
- 7.08.2014, 14:37
- 6,104
Больш за 200 прадпрыемстваў Кітая прыпынілі працу ў чацвер праз праверку бяспекі, пасля таго, як выбух на заводзе ў горадзе Куншань забраў 75 жыццяў.
Паводле афіцыйных звестак, спыненая праца ўсіх заводаў, якія вырабляюць алюміній і магній, а таксама некаторыя іншыя віды металургічнай прадукцыі, паведамляе BBC.
Паводле інфармацыі папярэдняга расследавання, трагедыя, якая адбылася 2 жніўня, была выкліканая вялікім утрыманнем металічнага пылу ў паліровачным цэху, дзе вырабляліся запчасткі для аўтамабіляў.
Больш за 180 працоўных атрымалі раненні.
Адным з партнёраў завода быў амерыканскі аўтагігант General Motors.