У Лідзе гарэў склад са спіртам

Раніцай 6 жніўня ў Лідзе загарэўся дах складскога корпуса ААТ «Лідахарчканцэнтраты».

Пра гэта паведамляе прэс-служба МНС.

«6 жніўня ад кіроўцы прадпрыемства «Лідахарчканцэнтраты» паступіла паведамленне аб загаранні складскога корпуса, размешчанага ў Лідзе на вуліцы Таўлая. Да месца пажару былі накіраваныя пяць пажарных машын, аўталесвіцы і брыгада хуткай медыцынскай дапамогі. З-пад даху аднапавярховага цаглянага будынка ішоў дым.

Праз 20 хвілін пажар быў ліквідаваны. Агнём пашкоджана 25 кв метраў даху над аддзяленнем складскога корпуса, прызначанага для часовага захоўвання спіртазмяшчальнай вадкасці ў ёмістасці аб'ёмам 5 куб метраў.

Людзі не пацярпелі. Тэхналагічны працэс не быў парушаны, цэхі прадпрыемствы працуюць у штатным рэжыме», - гаворыцца ў паведамленні.

Прычына ўзгарання высвятляецца.

Фота: МНС