Мясніковіч і Новак абмеркавалі пастаўкі нафты ў Беларусь
1- 7.08.2014, 20:38
- 6,913
Прэм'ер-міністр Беларусі Міхаіл Мясніковіч і міністр энергетыкі Расеі Аляксандр Новак сустрэліся ў Менску.
Яны абмеркавалі пытанні паставак нафты з Расеі на беларускія нафтаперапрацоўчыя заводы і яе транзіту па тэрыторыі Беларусі, паведамляе БелТА.
Таксама падчас сустрэчы адбылося абмеркаванне паставак беларускіх нафтапрадуктаў расейскім спажыўцам.
Нагадаем, Масква паабяцала няўхільна выконваць дамоўленасці аб пастаўцы нафты ў Беларусь. Пра гэта ўчора заявіў пасол Расеі ў Менску Аляксандр Сурыкаў, каментуючы заклік дэпутата Дзярждумы Рамана Худзякова спыніць пастаўкі нафты ў Беларусь у адказ на абяцанне Менска дапамагчы нафтапрадуктамі Кіеву.
Раней, 4 жніўня адбылася тэлефонная размова Лукашэнкі з Пятром Парашэнкам. Як паведаміла прэс-служба беларускага дыктатара, суразмоўцы надалі «асаблівую ўвагу тэме паставак нафтапрадуктаў з Беларусі ва Украіну».