Пад Лідай перакуліўся аўтамабіль пошты
1- 8.08.2014, 10:44
- 6,056
Кіроўца не справіўся з кіраваннем.
Блізу гадзіны дня ўчора на аўтадарозе «Астроўля - Далёкія - Палубнікі» ў Лідскім раёне кіроўца «Пежо» не справіўся з кіраваннем на жвіровай дарозе.
Пра гэта сайту charter97.org паведамілі ў прэс-службе ДАІ УУС Гарадзенскага аблвыканкама.
24-гадовы лідчанін праехаўшы вёску Далёкія, з'ехаўшы з дарогі, якая мела ўдасканаленае пакрыццё, не стаў зніжаць хуткасць руху, не цалкам ацаніўшы змененую дарожную сітуацыю, і праз гэта паплаціўся.
«Пежо Біпер» пайшоў у занос і з'ехаў у правую абочыну, дзе аўтамабіль лёг на дах. Вінаваты аварыі не пацярпеў, пасажырку з траўмамі даставілі ў бальніцу.
Фота: ДАІ УУС Гарадзенскага аблвыканкама