На выходных перакрыюць праспект Дзяржынскага

Бліжэйшы месяц жыхары сталічных мікрараёнаў Малінаўка і Брылевічы будуць цярпець транспартныя нязручнасці на выходных днях.

Нельга будзе праехаць па адной з галоўных магістраляў Менска - праспекце Дзяржынскага. Як растлумачылі У ДАІ Маскоўскага раёна, перакрыццё звязана з укладкай асфальту, піша onliner.by.

Рух для ўсіх відаў транспарту закрыюць ўжо бліжэйшай ноччу. Перакрыццё будзе доўжыцца з 01:00 9 жніўня да 05:00 11 жніўня на ўчастку праспекта ад пр. Любімава да МКАД. Там будуць укладваць верхні пласт асфальту (ніжні, базавы ўжо ёсць). Гэтыя работы будуць праходзіць кожныя выхадныя цягам бліжэйшых пяці тыдняў:

- З 01:00 9 жніўня да 05:00 11 жніўня;

- З 01:00 16 жніўня да 05:00 18 жніўня;

- З 01:00 23 жніўня да 05:00 25 жніўня;

- З 01:00 30 жніўня да 05:00 1 верасня;

- З 01:00 верасень 6 да 05:00 8 верасня.

Дзяржаўтаінспекцыя рэкамендуе кіроўцам і пасажырам грамадскага транспарту ўлічваць гэтую інфармацыю і планаваць свой маршрут загадзя.