Рэфат Чубараў: Пасля вызвалення Данбаса трэба развязаць праблему Крыма
9- 8.08.2014, 18:43
- 15,668
Старшыня Меджліса крымскататарскага народа ўважае вызваленне Крыма за асноўную праблему разам з завяршэннем АТА.
Пра гэта Рэфат Чубараў заявіў падчас круглага стала 8 жніўня, паведамляе НБН.
«Давайце скончым АТА, а потым возьмемся за дээскалацыю, возьмемся за Крым - мы думаем, што цяпер такі прыярытэт немагчымы. Сёння неабходна казаць аб завяршэнні АТА і аб выцясненні або знішчэнні баевікоў з Усходняй Украіны - гэта прыярытэт», - сказаў Чубараў.
На ягоную думку, пытанне завяршэння канфлікту на Усходзе павінна развязацца адначасова з пытаннем вызвалення анэксаванага Расеяй Крыма і будучыні як крымскіх татараў, так і ўкраінцаў, што пражываюць на тэрыторыі непрызнанай Рэспублікі Крым.
«Сёння таксама неабходна казаць пра будучыню Крыма ва ўкраінскай дзяржаве. Вось такая павінна быць сёння прыярытэтнасць... яны [гэтыя прыярытэты] павінны быць у адным шэрагу», - падкрэсліў кіраўнік Меджліса.
Ён упэўнены, што Крым вернецца ў склад Украіны. «У любым выпадку ўсё (па пытанні Крыма) завершыцца перамовамі», - дадаў Чубараў.
Але з ягоных слоў, сёння таксама неабходна гаварыць і прыкладаць максімальныя намаганні для таго, каб прымусіць Расею адысці на зыходныя пазіцыі і вызваліць Крым.
Разам з тым, на думку Рэфата Чубарава, украінская ўлада заўсёды разглядала крымскіх татараў як электаральны рэсурс, а некаторыя палітычныя сілы нават правакавалі сутычкі татараў з іншым насельніцтвам, для таго каб стаць на абарону большасці.