Віктар Сувораў: таталітарная дзяржава не выжыве побач са свабоднымі краінамі

Увосень у выдавецтве «Зялёны Сабака» выйдзе кніга Віктара Суворава «Апошняя Рэспубліка».

Cultprostir прапануе прачытаць «І апошні дадатак» - вострае, актуальнае пасляслоўе аўтара:

- Імперыя павінна расці. Калі імперыя не расце, узнікае застой, які няўхільна цягне за сабой развал. Імперыя нагадвае поўны грузавік на ледзяным схіле: які або караскаецца ўверх, або, на імгненне спыніўшыся, ляціць уніз, аж свішча.

1917-га годзе на абломках Расейскай імперыі паўстала новая, яшчэ больш агрэсіўная дзяржава, чые правадыры адкрыта абвясцілі свой план сусветнага панавання. І загрымеў над светам «Марш Будзённага»:

Даеш Варшаву!
Дай Берлін!
Ужо ўрэзаліся мы ў Крым!

У Берлін яны тады не дайшлі. І пад Варшавай ім навалялі так, што прыйшлося здаць Польшчы Заходнюю Украіну і Заходнюю Беларусь, пагадзіцца на незалежнасць Фінляндыі, Эстоніі, Літвы, Латвіі.

Але 1920 у Крым яны «ўрэзаліся». Заклікалі ўсіх, хто быў у Крыме, спыніць супраціў, абяцалі прабачэнне і прымірэнне. Усіх, хто паверыў, яны перарэзалі і перастралялі. Заадно ўдарам нечакана знішчылі і сваіх саюзнікаў-махноўцаў, разам з якімі захоплівалі Крым.

Потым шмат чаго было. Яны ўзялі Варшаву і Берлін, Рыгу і Талін, Будапешт і Бухарэст. Аднак утрымаць не змаглі. Адусюль іх выгналі. І вось яны зноў у Крыме.

Праўда, на гэты раз не «ўрэзаліся», а ўляпаліся. Неўзабаве крамлёўскія паханы вельмі пашкадуюць аб сваім глупстве.

Ні пра якую Варшаву ці Берлін яны больш не мараць. Іх імперыя слізгае з ледзяной горкі. Хуткасць узрастае. Калісьці яны дзяўблі артылерыяй жылыя кварталы Будапешта, душылі танкамі свабоду Чэхаславакіі. Сёння размах ўжо не той. І межы не тыя. Лінія фронту ад Варшавы, Будапешта і Прагі адкацілася далёка на ўсход у Луганск, Славянск, Данецк.

Няма больш рашучасці пасылаць у бой танкі, ды і танкі тыя даўно іржавыя. Прыходзіцца абмежавацца паслугамі наймітаў. Дарэчы, у 1977 годзе быў падпісаны Дадатковы пратакол да Жэнеўскіх канвенцый. З гэтага пратаколу вынікае, што злоўлены найміт не можа ўважацца за вайсковапалоннага. На яго статус вайсковапалоннага не распаўсюджваецца. Гэта значыць, з ім належыць паступаць так, як паступаюць з узброеным галаварэзам, якія за грошы забівае людзей.

Менавіта на такіх прадажных уркаганов і робяць стаўку крамлёўскія паханы. Іншага войска пад іх кіраўніцтвам няма.

Як не дзіўна гэта гучыць, але крамлёўскія правадыры вядуць супраць Украіны не наступальную, а абарончую вайну.

Яны спрабуюць выставіць свае дзеянні як абарону расейскага насельніцтва. Гэта хлусня. Расейцаў ушчамляюць ў Таджыкістане, Узбекістане, Туркменіі, Чачні. Крамлёўскаму пахану гэта абыякава.

Яны вядуць вайну супраць Украіны не дзеля абароны рускіх, а зусім з іншай нагоды. Свабода заразная. Народ Украіны паўстаў супраць зладзейскай банды. А крамлёўскім ашуканцам ноччу не спіцца: хоць бы гэты пажар і на Расею не перайшоў. Крамлёўскім уркам трэба заціснуць свабоду Украіны, таму што гэта наглядны прыклад для народаў Расеі. Ім трэба душыць дэмакратыю ў суседняй дзяржаве, каб зберагчы свае крадзеныя мільярды, каб захаваць ад народнага гневу сваю незаконную ўладу, свае галовы і азадкі. Бо бегчы няма ж куды.

Расея - гэта нашпігаваны залатымі зліткамі грузавік на ледзяным схіле. За стырном - подлы баязлівец. Рулявыя прылады і тормазы раз’ела карупцыя. Рухавік не цягне. Халопам і наймітам ні за якія грошы гэты грузавік на лёдзе не ўтрымаць.

Таталітарная дзяржава не можа існаваць побач з вольнымі краінамі. Падобна ракавай пухліне, якая не можа доўга суіснаваць з жывым арганізмам. Ці адно ці другое пераможа. Таму крамлёўскія правадыры з першага дня захопу ўлады ставілі сваёй мэтай разбурэнне вольнага свету і ўключэнне ўсіх краін у склад Савецкага Саюза як «рэспублік», да Апошняй Рэспублікі ўключна. Іх планы пацярпелі фіяска. Але ракавая пухліна не здаецца.

Тэрарыстычная вайна супраць Украіны - гэта апошнія спробы адрадзіць імперыю, гэта перадсмяротныя сутаргі таталітарнай улады, якая падыхае.

Расея ці загіне, распадзецца на кавалкі і знішчыць сябе ў вайне бюракратычных і мафіёзных кланаў, ці скіне сваю зладзейскую ўладу на ўзор Украіны.