Кіяне пачалі прыбіраць барыкады на Майдане

Кіяне разам з камунальнікамі пачалі прыбіраць барыкады, якія ўстаноўленыя ў пачатку вуліцы Гарадзецкага бліжэй да Крэшчаціку.

Як паведамляе карэспандэнт УНІАН, цяпер тут працуе камунальная тэхніка і блізу 200 прадстаўнікоў службаў горада.

Таксама ім дапамагаюць блізу 300 кіянаў. Пры гэтым асобныя «насельнікі» Майдана ўступаюць у спрэчкі з жыхарамі сталіцы Украіны з нагоды таго, што тыя здымаюць палаткі. Але кіяўляне спрабуюць іх пераканаць у тым, што павінен быць наведзены парадак у цэнтры горада і што ня варта дыскрэдытаваць Майдан, які арганізоўвалі патрыёты краіны.

Колькасць людзей усё павялічваецца. Сутыкненняў не адбываецца. Пакуль на месцы няма Кіеўскага гарадскога старшыні Віталя Клічко, які планаваў далучыцца да акцыі.