«Расея 2» паказала велізарную свастыку з байкерскага шоў у Крыме

Тэлеканал «Расея 2» паказаў свастыку з байкерскага шоў «Вяртанне», якое прайшло ў Севастопалі.

Больш за тое, маляўнічы кадр нават стаў анонсам жывой трансляцыі з мерапрыемства, выкладзены у афіцыйную старонку Twitter-навінавага канала «Весткі 24», піша NEWSru.com.

У Севастопалі наважылі арганізаваць найбуйнейшы ў СНД байкерскі фестываль «Вяртанне»: сёлета ён прысвечаны «ўз'яднанню Расеі і Крыма», паведамляецца на сайце тэлеканала. Арганізуе яго клуб «Начныя ваўкі», узначальвае які Аляксандр Залдастанаў (Хірург). На месцы закінутага кар'ера ля гары Гасфорт сабраліся больш за пяць тысяч матацыклістаў і блізу ста тысячы гледачоў.

Прадстаўленне было незвычайным і маляўнічым. У анонсе мясцовага выдання «Вячэрні Крым» абяцаліся «бляск металу, роў матораў, цяжкі рок і кубінскія напевы».

Зрэшты, мяркуючы з рэзанансу ў сацсетках, не пабываўшай на свяце сеткавай публіцы канцэрт запомніўся праз фота ад «Вестей.ру». На момант напісання нататкі фота служыць анонсам жывой трансляцыі мерапрыемства, якое прайшло ў пятніцу ўвечары: відаць свастыку, складзеную з актораў у чорным. Што яна сімвалізуе і ў які момант канцэрту з'явілася на сцэне, не ўдакладняецца. Тое, што адбываецца называюць «грандыёзным байк-шоў».

«Вячэрні Крым» сцвярджае, што цяперашняе шоў было першым, на якое байкеры дабіраліся праз паромную пераправу. У вялізнай чарзе на пераправе матацыклістам стаяць не прыйшлося: пад іх калону асобна выдзелілі два паромы.

Летась лідар «начных ваўкоў» Залдастанаў на свяце «Сталінград» у Валгаградзе цытаваў Сталіна. Вядома, што на свяце пабываў і прэзідэнт Расеі Уладзімір Пуцін.