Нямеччына будзе пастаўляць зброю ірацкім курдам
3- 1.09.2014, 9:10
- 5,185
Улады Нямеччыны ўслед за іншымі дзяржавамі прынялі пастанову пастаўляць зброю курдскім узброеным фарміраванням «пешмерга».
Яны ваююць на поўначы Ірака супраць баевікоў групоўкі «Ісламская дзяржава», паведамляе BBC.
Са слоў міністаркі абароны Нямеччыны Урсулы фон дэр Лайен, курды атрымаюць у ліку іншага вінтоўкі і супрацьтанкавыя сістэмы. Блізу 4 тысяч вайскоўцаў атрымаюць зброю да канца верасня, паведаміла яна.
Раней з падобнай ініцыятывай ужо выступілі ЗША, Італія, Францыя і Вялікабрытанія.
Крытыкі пастановы ўладаў Нямеччыны асцерагаюцца, што зброя можа апынуцца ў руках баевікоў-ісламістаў.