Навукоўцы: Для выратавання клімату трэба есці менш мяса
14- 1.09.2014, 9:30
- 9,969
Брытанскія навукоўцы выявілі ўзаемасувязь паміж выкідамі парніковых газаў у атмасферу Зямлі і спажываннем чалавецтвам мяса і малочных прадуктаў.
Даследнікі з універсітэтаў Кембрыджа і Абэрдзіна прагназуюць, што эмісія парніковых газаў у выніку вытворчасці прадуктаў харчавання да 2050 года вырасце на 80 адсоткаў, а гэта азначае, што дамагчыся зададзеных параметраў у зніжэнні аб'ёму вуглякіслага газу, які трапляе ў атмасферу будзе немагчыма, паведамляе BBC.
Падобную тэндэнцыю, на думку навукоўцаў, можна прадухіліць, калі ў краінах, якія развіваюцца палепшыць сельгасвытворчасць, менш прадуктаў будзе выкідвацца, а людзі ў цэлым стануць есці менш мяса.
Вынікі даследавання апублікаваныя ў часопісе Nature Climate Change.
Між тым, нядаўнія даследаванні амерыканскіх навукоўцаў паказваюць, што «паўза» ў глабальным пацяпленні, якая працягваецца з 1998 года, можа зацягнуцца яшчэ як мінімум на дзесяць гадоў.