Менскі завод атрымаў €10 мільёнаў ад ЕБРР
7- 1.09.2014, 19:02
- 7,154
Еўрапейскі банк рэканструкцыі і развіцця (ЕБРР) выдзеліў крэдыт тэрмінам на сем гадоў ЗАТ «Мінскі завод безалкагольных напояў».
Сродкі павінны пайсці на мадэрнізацыю абсталявання, абнаўленне аўтапарка і рэструктурызацыю існай пазыкі, паведамляе БелаПАН са спасылкай на прэс-службу ЕБРР.
«Пазыка ў 10 млн еўра не толькі прафінансуе інвестыцыйную праграму завода, але таксама будзе спрыяць усталяванню новых нормаў карпаратыўнага кіравання і дзелавых паводзінаў у Беларусі», - адзначаюць у банку.
Падчас перамоў аб выдзяленні крэдыту, якія закончыліся падпісаннем адпаведнага пагаднення, прадстаўнікі завода заявілі пра намер перайсці ад мясцовых да міжнародных стандартаў аўдыту і ўжо нанялі адную з вядучых міжнародных аўдытарскіх фірмаў для падрыхтоўкі патрэбнай дакументацыі, паведамляе прэс-служба.
Мінскі завод безалкагольных напояў быў створаны ў 1966 годзе. У 1995 годзе стаў закрытым акцыянерным таварыствам. На заводзе працуе больш за 700 чалавек.