Маскоўскія кухары распавялі пра «беларускі» пармезан з Італіі

Італійскія вытворцы абыходзяць санкцыі Пуціна з дапамогай Беларусі.

Пасля ўвядзення прадуктовых санкцый у дачыненні да еўрапейскіх краін расейскія рэстараны вымушаныя былі прыдумляць, як атрымаць тавары, якія не вырабляюцца ў Расеі. У прыватнасці, моцна пакутавалі стравы, у якія быў патрэбны пармезан, ці, як яго называюць у Італіі, Парміджано-Рэджано. Аднак, з усяго відаць, вытворцы італійскага сыру знайшлі "канал", паведамляе Reuters.

Агенцтва іранізуе: у часы Савецкага Саюза гандляры на чорных рынках у Беларусі падраблялі этыкеткі на мясцовых прадуктах, каб яны выглядалі як імпартныя. Цяпер жа сітуацыя змянілася з дакладнасцю да наадварот, перадае NEWSru.com.

Два кухары з рэстаранаў Масквы распавялі, што ім пастаўляюць сапраўдны Парміджано-Рэджано, які вырабляецца толькі ў некалькіх паўночных італійскіх правінцыях. З іх слоў, прадукт нават прыйшоў у арыгінальнай італьянскай ўпакоўцы, але налепка, паведамляе: сыр зроблены ў Беларусі.

Цікава, што пармезан становіцца нейкім кантрабандным прадуктам. Напрыклад, прэзідэнт Федэрацыі рэстаратараў Ігар Бухараў распавёў, што бачыў аб'явы звонку рэстаранаў, на якіх было проста напісана "Пармезан" і пададзены нумар тэлефона. Варта адзначыць і павелічэнне коштаў. Адзін кухар распавёў, што сыр пармезан, які пастаўляецца з Беларусі, падняўся ў кошце амаль на 20%.

Расціслаў Ардоўскі-Танаеўскі Бланка, які валодае фірмай Расінтэр, што кіруе сеткамі "Планета Сушы" і Il Patio, распавёў, што ў яго ўзніклі вялікія праблемы з пастаўкамі прадуктаў. "Лагістыка была цалкам знішчаная, - распавёў ён. - Мы будзем чакаць прынамсі тры месяцы, каб зразумець, як дзейнічаць у новых умовах".