Мэрыя Масквы ўзгадніла «Марш свету» 21 верасня
1- 11.09.2014, 12:27
- 6,977
Мэрыя Масквы ўзгадніла акцыю апазіцыі, якая адбудзецца ў цэнтры Масквы 21 верасня.
Пра гэта паведаміў кіраўнік гарадскога дэпартамента рэгіянальнай бяспекі і процідзеяння карупцыі Аляксей Маёраў, паведамляе BBC.
Пры гэтым чыноўнік асабліва адзначыў, што ўлады горада прыцягнуць да адміністрацыйнай адказнасці арганізатараў шэсця, калі ўдзельнікі мерапрыемства выйдуць з лозунгамі, якія не адпавядаюць узгодненай з мэрыяй сталіцы заяўкай.
«У заяўцы арганізатары паказалі такую мэту мерапрыемства: выказаць і сфармаваць грамадскую думку з нагоды парушэння правоў чалавека, законаў, канстытуцыі, міжнародных абавязацельстваў Расейскай Федэрацыі, а таксама нормаў міжнароднага права, выказаць патрабаванні да іх выканання», - заявіў чыноўнік.
Раней апазіцыйныя актывісты заявілі, што збіраюцца прысвяціць акцыю падзеям на Украіне, паведамляе "Интерфакс"
Апазіцыя правядзе шэсце ад Пушкінскай плошчы да праспекта Сахарава. У заяўцы паказаны ўдзел у дэманстрацыі да 50 тыс чалавек. Мітынг не плануецца.