Паліцыянты распавялі дыпламату з Ізраіля пра паляванне на замежнікаў у РФ

Расейскія паліцыянты затрымалі жанчыну-дыпламата з Ізраіля, якая ўчыніла аварыю на вуліцах Масквы.

Падчас дазнання яны паведамілі ёй: «У цябе праблемы».

Аднак пасля таго, як высветлілася, што за стырном знаходзіцца дыпламат з Ізраіля, дарожныя інспектары сказалі: «Тваё шчасце, што ты не з ЗША або з Еўропы. Вось у іх сапраўдныя праблемы», паведамляе «Курсор».

Супрацоўнікі аўтаінспекцыі таксама патлумачылі, што атрымалі ўказанне ставіцца да амерыканцаў і еўрапейцаў з «асаблівай прыхільнасцю». Зрэшты, ужо пасля таго, як інцыдэнт быў вычарпаны, паліцыянты дадалі: «Хто ведае, можа, у будучыні і Ізраіль патрапіць у чорны спіс».

Журналісты спрабавалі атрымаць рэакцыю з нагоды гэтай публікацыі з МЗС Ізраіля, аднак пакуль безвынікова.