У школах Омска патрабуюць увесці казахскую мову

Акім Паўлаградскай вобласці мяркуе, што казахі, якія пражываюць у Омскай вобласці, павінны вывучаць родную мову.

Для гэтага ім выдадуць падручнікі.

Сёння з рабочай паездкай у Омскай вобласці знаходзіцца дэлегацыя прадстаўнікоў Паўладарскай вобласці на чале з акімам (губернатарам) Паўладарскай вобласці Канатам Базумбаевым. Падчас свайго візіту на Омскі нафтазавод кіраўнік казахстанскага рэгіёну выступіў з незвычайнай ініцыятывай - увесці ў омскія школы вывучэнне казахскай мовы, піша omskinform.ru.

- Важна, каб юныя грамадзяне казахскай нацыянальнасці вывучалі ў сярэдняй школе сваю родную мову. Са свайго боку мы гатовыя забяспечыць неабходным наборам падручнікаў для вывучэння роднай мовы казахамі ў Омску. Будзем дамаўляцца, каб, не адрываючыся ад каранёў, грамадзяне Расейскай Федэрацыі казахскай нацыянальнасці ведалі сваю родную мову, каб яны маглі паехаць у Казахстан да сваіх сваякоў і гаварыць на нашай мове, - заявіў ён.

Пры гэтым кіраўнік Паўладарскай вобласці спаслаўся на казахскі досвед - у школах суседняй рэспублікі распаўсюджанае трохмоўе: казахстанскія школьнікі вывучаюць казахскую, рускую і ангельскую мовы.