Вілу Шумахера ўзялі пад ахову праз папарацы

Швайцарскай паліцыі давялося падключыцца да аховы вілы сяміразовага чэмпіёна свету.

Дом Міхаэля Шумахера ахоўваюць праз наплыў фатографаў і здымачных груп, піша БелТА.

Як толькі 9 верасня ў прэсе з'явілася інфармацыя пра выпіску з лякарні легендарнага гоншчыка, вілу, якая знаходзіцца ў горадзе Гландэ на беразе возера Леман, атачылі журналісты і шматлікія прыхільнікі спартоўца. Прадстаўнікі Шумахера неаднаразова прасілі грамадскасць паважаць прыватнае жыццё сям'і спартоўца, аднак некаторых папарацы ім пераканаць не ўдалося. У выніку для аховы дома ад дакучлівых журналістаў і фатографаў давялося падлучыць прадстаўнікоў паліцыі.

Цяпер стан 45-гадовага спартоўца стабілізавалася, аднак без старонняй дапамогі ён пакуль абыходзіцца не можа. У доме стала знаходзіцца пад 15 чалавек абслуговага персаналу, а ў спецыяльна абсталяванай хатняй палаце кругласутачна дзяжураць медсёстры.

У канцы снежня 2013 года Міхаэль Шумахер сур'ёзна пацярпеў пры падзенні падчас катання на горных лыжах у французскім Мерыбэле. Гоншчык атрымаў чэрапна-мазгавую траўму з множнымі пашкоджаннямі абодвух паўшар'яў мозгу і кровазліццём. У лякарню горада Грэнобля спартовец паступіў ўжо ў крытычным стане, а пасля аперацыі быў уведзены ў стан штучнай комы.