Расейская журналістка выбачылася перад украінцамі за Пуціна
12- 12.09.2014, 15:20
- 27,698
Галоўная рэдактарка газеты The New Times ў Расейскай Федэрацыі Яўгенія Альбац публічна выказалася супраць палітыкі ўлады Расеі ў дачыненні да Украіны.
Пра гэта яна заявіла ў пятніцу падчас выступу на 11-й штогадовай сустрэчы YES у Кіеве, піша "Укринформ".
"Мне як расейскай грамадзянцы, а ў мяне няма іншага грамадзянства, даволі цяжка прамаўляць у Кіеве, бо я адчуваю велізарную віну за тое, што зрабіў мой урад у дачыненні да Украіны і яе народа... Я вельмі шкадую аб гэтым", - сказала журналістка.
У той жа час Альбац адзначыла, што карэспандэнты яе выдання працуюць у самых гарачых пунктах Украіны і спрабуюць падаць расейскай аўдыторыі бесстароннюю і дакладную інфармацыю адсюль.
"Мае рэпарцёры былі тут і на Майдане, і цяпер працуюць у Данецку, Славянску, Марыупалі, на ўкраінска-расейскай мяжы, мы спрабуем даць нашай аўдыторыі бесстароннія рэпартажы і аналіз", - падкрэсліла яна.