Герой Крыма Юлій Мамчур увойдзе ў спіс «Блока Парашэнкі»

У першую пяцёрку выбарчага спісу Партыі «Блок Пятра Парашэнкі» ўвойдзе палкоўнік Паветраных сіл Украіны Юлій Мамчур.

Пра гэта журналістам паведаміў кіраўнік партыі Юры Луцэнка, перадае прэс-служба «Трэцяй ўкраінскай рэспублікі».

«Я мяркую, што дэпутаты, акрамя прафесійных задач пісаць законы, павінны яшчэ і быць голасам грамадства. Прымаючы законы, яны павінны выказваць меркаванне грамадства, - сказаў ён. - Акрамя таго, мы хочам падкрэсліць важнае значэнне рэгулярнага ўкраінскага войска для будучыні Украіны. Таму ў нашай пяцёрцы, магчыма, будзе палкоўнік Мамчур - адзін з сімвалаў Узброеных сіл Украіны».

Юлій Мамчур вядомы негвалтоўным вызваленнем ад расейскіх захопнікаў аэрапорта Бельбек у Крыме.