Прэм'ерам Польшчы стане Эва Копач

Эва Копач стане новым прэм'ерам Польшчы.

Прэзідэнт Польшчы Браніслаў Камароўскі 15 верасня даручыць стварэнне ўрада Эве Копач, тым самым прызначыўшы яе новым прэм'ерам, паведамляе Polskie radio ў пятніцу, 12 верасня.

Пры гэтым праз тыдзень, 22 верасня, польскі прэзідэнт скліча новую Раду міністраў. "Першым, хто дазнаецца пра склад новага ўрада будзе Браніслаў Камароўскі і ніхто іншы", - сказала Копач, адказваючы на пытанне журналістаў аб складзе ўрада.

Акрамя таго, яна паведаміла, што яе сённяшняя размова з прэзідэнтам Польшчы тычылася пытанняў стварэння ўрада, а таксама сітуацыі ва Украіне, піша "Корреспондент".

Эва Копач (1956 года нараджэння) - польскі палітык і дэпутат Сэйма. Яна з'яўляецца дзеючым маршалам Сэйма Польшчы з лістапада 2011 года (першая жанчына, якая заняла гэтую пасаду). Дагэтуль яна была міністаркай аховы здароўя з лістапада 2007 года. Чалец палітычнай партыі Грамадзянская платформа з 2001 год. Да прыходу ў палітыку была педыятрам і лекарам агульнай практыкі.

Нагадаем, 9 верасня 2014 года польскі прэм'ер Дональд Туск падаў у адстаўку ў сувязі з ягоным абраннем на пасаду кіраўніка Еўрапейскай рады 30 жніўня на саміце ЕЗ у Брусэлі.

Паводле польскай Канстытуцыі, адстаўка прэм'ер-міністра цягне за сабой адстаўку ўсяго ўрада.

Фота: Reuters