Прэзідэнт Румыніі просіць грамадзянства Малдовы
- 16.09.2014, 15:39
- 10,622
Траян Басэску папрасіў даць яму малдаўскае грамадзянства.
Прэзідэнт Румыніі, чый мандат завяршаецца 2 лістапада, мае намер наведаць Малдову да правядзення выбараў у сваёй краіне, піша haqqin.az.
«Што тычыцца візіту ў Малдову, паведамляю, што такі яшчэ не запланаваны, але яго ўзгодняць з прэзідэнтам Цімафці, і я яго здзейсню. У маіх намерах здзейсніць яго да завяршэння мандата, здзейсніць развітальны візіт у Малдову і, як вы чулі ад мяне, я сказаў, што пасля заканчэння мандата папрашу і грамадзянства РМ», - указаў Траян Басэску.
Кіраўнік Румыніі мяркуе, што заслужыў грамадзянства за тое, што мноства малдаван атрымалі румынскія пашпарты.
«Гэтак жа як і мы далі грамадзянства сотням тысяч грамадзян РМ, спадзяюся, што магу і я разлічваць атрымаць грамадзянства Малдовы», - заявіў Басэску.
Нягледзячы на гэта, Басэску не можа прэтэндаваць на малдаўскі пашпарт згодна з нормамі закона, не з'яўляючыся выхадцам тэрыторыі МССР. Згодна з законам, грамадзянства Рэспублікі Малдова набываецца пры нараджэнні, з прычыны прызнання, усынаўлення, аднаўлення ў грамадзянстве або ў парадку натуралізацыі. Ключавым фактарам з'яўляецца пражыванне на тэрыторыі рэспублікі апошнія 10 гадоў перад падачай прашэння аб атрыманні грамадзянства.
Басэску - прыхільнік аднаўлення так званай «Вялікай Румыніі» ў межах 1939 года. З ягоных слоў, аб'яднанне з Малдовай павінна стаць трэцім важным праектам у замежнай палітыцы Румыніі пасля ўваходжання ў NАТO і далучэння да ЕЗ.