Dell прадэманстравала ў Беларусі абноўленую лінейку ноўтбукаў Inspiron

16 верасня ў Менску кампанія Dell прэзентавала абноўленую лінейку ноўтбукаў Inspiron.

У гэтай серыі прадэманстраваныя лэптопы пачатковага і сярэдняга ўзроўню, а таксама прэміум-мадэль 7537. Як адзначылі ў Dell, менавіта дзякуючы Inspiron кампаніі атрымоўваецца ўтрымліваць амаль 10% беларускага рынку партатыўных кампутараў, піша onliner.by.

Бюджэтная мадэль Inspiron 15 (3531) грунтуецца на двух'ядравым працэсары Intel Celeron N2830 з частатой да 2,41 Ггц, абсталявана 15,6-цалевым дысплеем з дазволам 1366 × 768 і жорсткім дыскам на 500 ГБ. Кошт мадэлі пачынаецца ад 3.750.000 рублёў. Удвая больш дарагія Inspiron 15 (3537) і Inspiron 15R (5537) ужо пабудаваныя на платформе Intel Core чацвёртага пакалення і абсталяваныя сэнсарным экранам з дазволам Full HD.

Фота: Аркадзь Собалеў