У ЗША прадэманстравалі аўтамабіль, надрукаваны на 3D-прынтары (Відэа)
13- 17.09.2014, 17:13
- 22,240
Прадэманстраваны першы аўтамабіль, надрукаваны на 3D-прынтары.
Асобнік пад назвай Strati зроблены амерыканскай кампаніяй Local Motors, ён быў прадэманстраваны на выставе новых тэхналогій у Чыкага, піша autonews.ru.
Аўтамабіль аснашчаецца электраматорам, на яго стварэнне сышло ўсяго 44 гадзіны. На 3D-прынтары аддрукаваныя шасі, кузаў, сядзенні, усе ўнутраныя элементы. Ад іншага аўтамабіля ўзяты толькі электрарухавік, падвеска і шыны з дыскамі.
Strati складаецца ўсяго з 40 дэталяў, таму вытворчасць займае так мала часу. Звычайны сучасны аўтамабіль, для параўнання, складаецца з больш чым 20 000 запчастак. У далейшым вытворца плануе скараціць гэты час да 10 гадзін.
Кампанія Local Motors месціцца ў штаце Арызона. Інжынеры плануюць здзейсніць прарыў у аўтамабілебудаванні і запусціць серыйную вытворчасць і продаж аўтамабіляў, надрукаваных на 3D-прынтары ўжо да канца года. Кошт навінкі будзе ад 18 000 да 30 000 даляраў у залежнасці ад камплектацыі.