Украіна гатовая аплаціць запазычанасць «Газпрому» паводле еўрапейскага кошту

Кіеў таксама прапанаваў «Газпрому» ўкласці паноў кантракт на транзіт газу.

НАК «Нафтагаз Украіны» можа аплаціць пазыку расейскай кампаніі да пастановы арбітражнага суда паводле часовага кошту. Пра гэта гаворыцца ў пазіцыі ўкраінскага боку з нагоды перамоваў з «Газпромам» і РФ аб газавых пытаннях, якія абнародавала прэс-служба кампаніі.

У прапановах адзначаецца, што на перыяд да вынясення пастановы арбітражу пазыкі могуць быць аплачаныя ўкраінскай стараной толькі паводле часовага кошту, які вызначаецца згодна з методыкай: кошт газу будзе роўны кошту на еўрапейскіх газавых біржах (хабах) за мінусам кошту транспартавання ад мяжы РФ да гэтых хабаў.

«Гэты падыход з'яўляецца справядлівым, улічваючы тое, што ўкраінская старана падала пазоў у арбітражны суд аб спагнанні з Газпрома пераплаты за пастаўкі газу мінулых перыядаў (амаль 6 мільярдаў даляраў)», - гаворыцца ў паведамленні.

Нафтагаз таксама заклікае «Газпром» укласці новы кантракт на транзіт газу.

«Дзейны кантракт з Газпромам аб транзіце газу па тэрыторыі Украіны трэба неадкладна прывесці ў адпаведнасць, па-першае, з пратаколам аб далучэнні Украіны да Дамовы аб заснаванні Энэргетычнай Супольнасці і, па-другое, нарматыўна-прававымі актамі Украіны», - гаворыцца ў паведамленні. - У прыватнасці, вышэйзгаданыя міжнародныя абавязанні Украіны прадугледжваюць, што стараной кантракту павінен выступаць аператар ГТС ПАО «Укртрансгаз», а не НАК «Нафтагаз Украіны», «Газпром» не можа быць «віртуальным» аператарам паміж аператарамі Украіны, з аднаго боку, і Славакіі, Вугоршчыны, Польшчы і Румыніі, з другога. Павінны быць падпісаныя стандартныя пагадненні балансавання і злучэнні сетак паміж «Укртрансгаз» і «Газпромам». Тарыфная палітыка павінна адпавядаць еўрапейскаму рэгуляванню. Тэхнічныя, юрыдычныя і эканамічныя ўмовы транспартавання газу па тэрыторыі Украіны, у тым ліку транзіт, павінны быць недыскрымінацыйнымі для ўсіх удзельнікаў рынка», - паведамілі ў прэс-службе кампаніі.

Нагадаем, «Газпром» з 16 чэрвеня ўвёў рэжым папярэдняй аплаты паставак газу ва Украіну, гэта значыць ён спыніў пастаўкі газу ў адрас Нафтагаза Украіны. Кампанія падае на ўваход ва ўкраінскую ГТС толькі газ, прызначаны для еўрапейскіх спажыўцоў.