Беларуска здабыла «бронзу» на ЧС у шасэйных велагонках
- 22.09.2014, 14:25
- 3,205
На чэмпіянаце свету ў шасэйных велагонках у гішпанскай Панферрадзе Алена Амялюсік здабыла бронзавы медаль.
Разам з калегамі па камандзе «Астана Бепінк» беларуска фінішавала трэцяй у каманднай гонцы з раздзельным стартам на 36,5 км. Першае месца заняла амерыканская каманда, а срэбра ў аўстралійскай каманды, піша БелТА.
За крок ад п'едэстала гонару спыніліся беларускія веласіпедысты Васіль Кірыенка і Канстанцін Сіўцоў, якія ў складзе веладружыны «Скай» прыйшлі да фінішу каманднай гонкі з раздзельным стартам на 57 км чацвёртымі. Чэмпіёнам свету стала каманда з ЗША, срэбра ў аўстралійцаў, а бронза дасталася бельгійцам.