Новая Зеландыя правядзе рэферэндум аб змене сцяга
9- 22.09.2014, 14:32
- 11,724
Урад Новай Зеландыі плануе рэферэндум аб дзяржаўным сцягу краіны.
Пра гэта заявіў прэм'ер-міністр краіны Джон Кей. Са слоў прэм'ера, рэферэндум плануецца ў 2015 годзе, піша rus.DELFI.lv.
Нацыянальная партыя, якую прадстаўляе новазеландскі прэм'ер, перамагла на парламенцкіх выбарах у суботу, набраўшы 48% галасоў выбаршчыкаў. Рэферэндум аб змене сцяга быў адным з пунктаў перадвыбарнай праграмы Кея, гэтая ідэя была вылучаная ў сакавіку.
Цяперашні сцяг Новай Зеландыі, зацверджаны ў 1902 годзе, адлюстроўвае чатыры чырвоныя зоркі, якія сімвалізуюць сузор'е Паўднёвы крыж, а таксама сцяг Вялікабрытаніі ў верхнім левым куце.
Апаненты гэтага сцяга паказваюць, па-першае, на залежнасць ад Вялікай Брытаніі, а па-другое, на падабенства з аўстралійскім сцягам, праз што іх часта блытаюць.
Фота: AP