Навукоўцы здзейснілі квантавую тэлепартацыю на 25 кіламетраў

Фізікі тэлепартавалі квантавы стан фатона на адлегласць 25 кіламетраў.

Вынікі сваіх даследаванняў аўтары апублікавалі ў часопісе Nature Photonics, а коратка з імі можна азнаёміцца на сайце AlphaGalileo, піша Lenta.ru.

У сваім экспэрыменце навукоўцы разнеслі два заблытаных фатоны на адлегласць у 25 кіламетраў да аптычнага валакна. Адная з часціц (другая) апынулася пры гэтым у крышталі.

Далей фізікі змянілі квантавы стан першага фатона, падзейнічаўшы на яго трэцім. У выніку стан другой часціцы (якая знаходзілася ў крышталі) змяніўся.

Такім чынам навукоўцы назіралі праяву квантавай нелакальнасці: хоць фатоны былі разнесеныя на адлегласць 25 кіламетраў, змяненне стану аднаго з іх адбілася на іншым.

Даследчыкі палепшылі сваё папярэдняе дасягненне дзесяцігадовай даўніны, калі на адлегласць шасці кіламетраў тэлепартавалі стан фатона.

Тэлепартацыя праз оптавалакно адбываецца цяжэй, чым праз паветра. Гэта звязана з узаемадзеяннем фатонаў са шклом, падчас якога яны губляюць значную частку першапачатковай інфармацыі.

Падчас работы навукоўцы адзначылі высокую дакладнасць сваіх вымярэнняў. З іх слоў, гэта можа прычыніцца да прагрэсу ў выкарыстанні заблытаных фатонаў ў квантавай крыптаграфіі.

Фота: Крышталі пасля тэлепартацыі станаў фатонаў. GAP, UNIGE