Дыяна Арбеніна: Не зламаць таго, хто не зламаецца

Расейскую спявачку на радзіме залічылі ў «ворагі народа».

Канцэрты Дыяны Арбенінай масава касуюць і нават забаранілі ёй чытаць вершы. Аднак артыстка трымаецца ўпэўнена і запэўнівае, што яе нельга зламаць або запалохаць і маўчаць яна не будзе. Сёння Дыяна падзялілася ў сябе на старонцы ў сацыяльнай сетцы «Фэйсбук» радаснай навіной: яе канцэрт у Варонежы ўсё ж адбыўся.

«Учора адбыўся канцэрт у Варонежы. Ура хлопцы - лёд крануўся!! У мяне ўнутры вадаспады песень. У мяне перад вачыма вашы вочы і вашы ўсмешкі. Я чую як гучна і ганарліва вы спяваеце. Я бачу плакаты Курск, Белгарад, Масква, Тамбоў - выдатныя расейскія гарады, што з’ехаліся ў Варонеж", - напісала Дыяна Арбеніна.

Выканаўца таксама выказала ўдзячнасць арганізатарам мерапрыемства і ўпэўненасць, што гэты канцэрт быў пераломным.

«Я паціскаю руку Мікіту і Вікторыі - арганізатарам канцэрта - яны сапраўды героі, - піша яна. - За сцэнай шалёная радасць Грышы, Ані, Дзяніса, Міці, Асі,Сяргея, Лізы, маёй мамы і доўгачаканая сустрэча з Андрэем і Сашам. З кожнай хвілінай становіцца ўсё больш і больш выразным усведамленне таго, што канцэрт снайпераў ў Варонежы 21-га верасня 2014 года стаў пераломным. Што вызначае вернасць абранай дарогі. Не зламаць таго, хто не зламаецца. Не запалохаць таго, хто не з палахлівых. Не прымусіць замаўчаць, таго хто не замоўкне. Мы разам!"