Пуцінская ТВ паведаміла, што ў Сімферопалі з'явілася мора (Відэа)
23- 25.09.2014, 12:56
- 29,369
На поўдні Расеі, куды цяпер крамлёўскія СМІ ўпарта ўносяць і Крым, ліквідуюць наступствы ўрагану.
У выпуску навін на федэральным «Первом канале» паведамляюць, што «пад ударам - Крым, Краснадарскі край, Растоўская вобласць», паведамляе «Главком».
Як вынікае з паведамлення тэлевядучай, высвятляецца, у сталіцы аўтаномнай рэспублікі, якая ўваходзіць у склад Украіны, але акупаваная Расеяй, цяпер ёсць мора. У прыватнасці, яна заявіла: «У Сімферопалі размытая набярэжная. Вецер выносіў ў мора машыны, зрываў дахі з дамоў».
Усё гэта, як звычайна бывае на расейскім ТВ, «пацвярджалася» відэасюжэтам, які не мае ніякага дачынення да пазначанага ўкраінскага горада.