Беларусь заклікае IBM на «Інтэграл»
33- 25.09.2014, 18:21
- 18,942
На наступным тыдні ў Беларусь прыедзе дэлегацыя з амерыканскай IBM.
Ёй будуць паказаны магутнасці і магчымасці «Інтэграла» на прадмет размяшчэння вытворчасці чыпаў і элементнай базы, піша АФН.
«Ужо на наступным тыдні павінен адбыцца візіт дэлегацыі IBM на «Інтэграл». Амерыканская карпарацыя выказала гатоўнасць разгарнуць на базе беларускага прадпрыемства вытворчасць мікрасхем паводле сваіх тэхналогій і ноў-хаў. Гэта значыць, «Інтэграл» асвоіць новую лінейку прадуктаў паводле ліцэнзій гэтай кампаніі», - заявіў кіраўнік адміністрацыі ПВТ Валерый Цапкала, транслюючы вынікі перамоваў прэм'ера Мясніковіча «з кіраўніцтвам IBM і Microsoft».
У сваю чаргу, Microsoft дапаможа са стварэннем «электроннага ўрада»: у кастрычніку ў Беларусь прыедзе група экспэртаў Microsoft, якая прапануе свае развязанні ў галіне выканання электронных паслуг грамадзянам і бізнэсу, паведамляе прэс-служба ўрада.